كلثوم كنو تكشف عن حقيقة علاقة قيس سعيد بحزب التحرير

A La Une/Tunisie

في تدوينة لها اليوم كتبت القاضية السابقة كلثوم كنو ما يشبه شهادة للتاريخ حول شخصية قيس سعيد وحقيقة علاقته بحزب التحرير حسب ما تم تداوله في العديد من صفحات التواصل الاجتماعي

وقالت كنو  » قيس سعيد ما نعرفوش مليح عرفتو في الجامعة وما نذكرش حكيت معه
زوجته زميلتي في القضاء ما نعرفهاش عن قرب اما نسمع عليها كان الخير
أما الي نعرفه مليح هو رضا المكي شهر » لينين » الى أدار الحملة الرئاسية لقيس سعيد كان في كلية الحقوق والعلوم السياسية في الهياكل النقابية المؤقتة في نفس الخط السياسي مع سمير بالطيب و سفيان بن فرحات وغيرهم
والي نعرف زادة على رضا لينين أنه مقوش ويبخر بريحة الخوانجية وفي الجامعة اعتداو عليه برشا مرات ومنع من الطعن بالسكين مرة ونشهد على ذلك
بعد 14جانفي2011 التقينا صدفة في شارع الحبيب بورقيبة حكالي على مبادرة سياسية قاعدين يركزو فيها مع مجموعة من رفاق كانو في الجامعة وعرض عليا ندخل معهم
كان جوابي واضح .أنا قاضية وما يلزمش نفقد حيادي لازمني ما ندخلش في حتى تنظيم عنده طابع حزبي

اليوم نسمع في كلام الي قيس سعيد مدعوم من حزب التحرير وهو وراء ترشيحه نقول زعما رضا لينين لهذا الحد تحول 180 درجة !!!

زعما رضا لينين تغير برشا لدرجة أصبح ينسق مع الخوانجية !!!!
انا الحقيقة ما نجمش نستوعبها
والي نحب زادة نقولو الي برشا ناس يجهلو كيفاش المواطن التونسي يفكر وعلاش برشا خيرو ينتخبو قيس سعيد
ونحب نقول زادة ماناش باش نجيبو شعب من برا باش يصوتلنا »

وكان قيس سعيد اكد في وقت سابق انه التقى الرئيس السابق لحزب التحرير رضا بلحاج وانه مستعد ان يلتقيه مرة اخرى ولكنه في ذات الوقت يقول سعيد  » من بين اصدقائي المقربين جدا ، يعرف بنضال لينين رضا شهاب المكي نلتقي ونتحدث ونتبادل الافكار هل يقال لي لماذا التقيته «