كتبت منذ قليلة طبيبة الانعاش فاطمة الزهراء توري تدوينة كشفت فيها عن عملية سرقة للنحاس من اجهزة التنفس الصناعي كادت ان تؤدي الى كارثة اذ دونت قائلة ” نحب نعلمكم انو اي نعم في وسط الأزمة اللي فيها بلاد كاملة فما شكون مخو قلو برا لسبيطار الرابطة فيها جعب نحاس حاجة عالمية اسرق كعبة ولا ثنين.. فجأة يتقص الاكسجين كليا على أربعة مرضى تحت التنفس الاصطناعي .. لكم ان تتخيلوا اللحظة اللي عشناها واحنا نفسنا في المرضى بايدينا.. التصويرة اللي تشوف فيها زوز مرضى قاسمين ترف الاكسجين اللي قاعد بالسيف يوصل .. من حسن الحظ الخلل ماصارش في خلية الاكسجين التابعة لقسم الكوفيد وقتها كارثة بأتم معنى الكلمة .. مني ليه الله لا تربحك ولا تفرحك ان شاء الله الرعب اللي عيشتهولنا تعيش قدوا اضعاف اضعاف.”