قالت المحامية نادية الشواشي تعليقا على جريمة مقتل زميلتها منجية المناعي ووجود شبهة تورط ابنيها وطليقها في الجريمة ” وانا حديثة العهد بالمحاماة نرا الزميلة الله يرحمها واولادها صغار معاها في كل بلاصة بما في ذلك انتخابات المحامين. . ومناسبات عامة… ..وبعد اكثر من عشرين عام زمالة كانت كل ما نتقابلو تحكيلي على نجاحاتهم ..وفخورة بيهم…شخصيا منصدقش ومانيش باش نصدق أولاد الزميلة ضروها..
تي طليقها وتقول وفى المكتوب وقعد القدر..كلام سمعتو من فمها ربي يرحمها..
يجي نهار تبان الحقيقة ..الي يقلي قلبي..وشاد صحيح فيه أنه لا علاقة لهم بأذيتها..فالحب لا يقتل والولف..والود..والأمومة..ووووو لا يقتل…
القاضي الي عندو الملف ..عندو تجربة وتكوين كبير..و عقل أكبر..ماهوش خصيص ..أما ..من حقو يتحفظ على كل مضنون او مشتبه فيه..نظرا لبشاعة الجريمة والبوليميك الي صار
الناس،الي تحلل ماهياش اقرب من قطعة من بدن ..للبدن الي جابها ..
لذالك إتقو ربي فيها وفيهم وربي بظهر الحقوق..ربي يفرز الحق من الباطل “
ومساء يوم أمس أصدر قاضي التحقيق بالمكتب الأول بالمحكمة الابتدائية بمنوبة، 3 بطاقات إيداع بالسجن في حق مشتبه بهم من أجل القتل العمد المسبوق بإضمار والمشاركة في ذلك، في قضية قتل المحامية منجية المناعي التي عثر على جثتها يوم السبت الفارط عالقة بمصفاة قنال مياه الشمال على مستوى المركب الرياضي بمنوبة، وهم ابن الفقيدة وطليقها وعامل بمحطة غسيل سيارات متسوغ مسكن لديها وفق تصريح الناطق الرسمي باسم المحكمة الابتدائية بمنوبة ومساعد وكيل الجمهورية محمد أيمن الهمامي الذي أضاف أنه تم اصدار برقية تفتيش في حق المتهم الرابع وهو ابنها أيضا، بعد أن تبين مغادرته لأرض الوطن.
