أكد الناشط السياسي التونسي في تدوينة له ظهر اليوم الأحد أنه “كثر الحديث علي اليهودي اسمه شاي ميمون الذي له تصاور في الجيش الاسرائيلي وكل واحد يقلك انه جربي والاخر قابسي والاخر تونسي و و و و
اول حاجة صدقوني نعرفو في فايسبوك لا في جربة ولا في تونس و لا عمري شفتو أصلا
هو مولود في فرنسا وله دوبل جنسية فرنسية اسرائيلية ولا عمرو سكن في جربة بل أتاها زائرا في مناسبة الغريبة
ونحن في جربة لقب ميمون لا يوجد أصلا عند اليهود بل يوجد عند المسلمين ونعرف برشة عايلات لقبهم ميمون
وعلي حد علمي جدوده اصلهم قوابسية هاجرو منذ زمان بعد الاستقلال
لهذا إذا هو يهودي ومجند في الجيش الأسراييلي هذيكة امورو وتخصو هو فقط ولا دخل لليهود متع جربة او تونس بيه لا من بعيد ولا من قريب
مالة في فرنسا تقع عمليات ارهابية من توانسة نقولو التوانسة كلهم ارهابيين بالطبع لا
لهذا كل واحد يتحمل مسؤولياته هو فقط لا غير “
وفي تدوينة سابقة له اليوم كتب جاكوب بيريز عن ” حملة غير مسبوقة علي اليهود في تونس منهم أنا شخصيا وكل إنسان يختلف في رايته لتونس المستقبل بالتخوين والكذب والافتراء وقلة المعروف وكان تونس بلد ناس معينة فقط
والغريب الدولة وكانها غير موجودة تماما قريب ينفذ صبري قريب “‘
