آرام بلحاج متسلحا بالأرقام : التفاؤل جيد لكن حذار من البروباغندا

تعرض الدكتور آرام بلحاج، الأستاذ بجامعة قرطاج والخبير الاستشاري، اليوم للأرقام الاقتصادية التي تناقلتها العديد وسائل الإعلام المحلية .
وكتب آرام بلحاج في منشور له على صفحته بموقع فيسبوك، الجمعة 24 ماي 2024: “من الرائع أن نكون متفائلين، لكن يجب ألا نحول الأرقام المجردة إلى دعاية بعيدة كل البعد عن وضعنا الاقتصادي والاجتماعي والمالي، ولكنها صعبة للغاية.

“الخبراء الي يحكيو في المنابر الإذاعية والتلفزية (العمومية على وجه الخصوص) على انو تونس قطعت نهائيا مع العجز في الميزانية لأول مرة وان المالية العمومية استرجعت عافيتها، نحب نوضحلهم الي في موفي مارس من العام الماضي، الميزانية حققت زاده فائض ب1436.3 مليون دينار، ولكن كملنا العام بعجز كبير يُقدّر ب11285.9 مليون دينار (وهو مايمثل 7.1% من الناتج المحلي الإجمالي). كيف كيف، في اواخر مارس لسنة 2022، حققت الميزانية فائض ب276 مليون دينار وكملنا العام بعجز كبير يقدر ب11056.9 مليون دينار (7.7% من الناتج المحلي الإجمالي).

يا سيدي، اكثرشي من السنا، من المتوقع نعملو عجز ب11515 مليون دينار في آخر العام حسب ارقام وزارة المالية. هذا، اذا تحصلنا طبعا على الموارد الداخلية والخارجية المبرمجة في وسط الميزانية (وهذا كيما نعرفو صعيب شويه لعدة اسباب).

حبيت نقول الي التفاؤل باهي، اما مالازمش تتحول الأرقام المجردة الى بروباغندا بعيده على واقعنا الاقتصادي والاجتماعي والمالي الصعيب برشا.

وربي يهدي!”