ذكر رئيس الجمعية التونسية للفضاء أحمد الفاضل، بأنّه تمّ التحقيق مع وفد من وكالة الفضاء اليابانية في مطار تونس قرطاج لأكثر من ساعتين، بسبب الاشتباه في محاولة تمرير قمر صناعي، اتضح في الأخير بأنّه مجرد مجسم.
وأضاف أحمد الفاضل في تدوينة على “فايسبوك ” وفد من وكالة الفضاء اليابانية يمرّثوا بأحوالهم في مطار تونس قرطاج على مجرد مجسم لقمر صناعي…ساعتين كاملين من التحقيقات معاهم خاطر يحسابوه قمر صناعي حقيقي، وما تفضّت كان ما هبطوا المسؤولين الكبار..
بعد رحلة الشتاء والصيف الي عملوها من ناريتا للدوحة لتونس والي دامت أكثر من 16 ساعة، نستقبلوهم بتحقيق أمني على جرد maquette..
يا أولادي راهو نحكيو على ممثلين عن ثالث أقوى وكالة فضاء في العالم، زعمة ينجموا يجازفوا ويدخّلوا ساتيليت حقيقي في فاليجة؟ اليابانيين من أكثر الناس الي يحترموا القانون، كيفاش نتعاملوا معاهم بالطريقة هذه في أول زيارة رسمية لتونس!!!!!
مانيش عارف الي صار معقول وعادي وأنا نبالغ، وإلا مايجيش وغالط ويلزم نتقدمولهم باعتذار رسمي على البهدلة الي صارتلهم في المطار”.
