كان لوقت قريب نشر عناوين واعلانات العرافات والعرافين مقتصرا على صفحات الجرائد الصفراء في تونس وعادة مايتم دسها في صفحات خلفية ولكن ما لاحظه العديد من التونسيين والتونسيات خلال هذه الأيام هو الهجوم القوي للعرافة ” شريفة المغربية ” للقنوات التلفزية المحلية وحضورها ليس ضمن برنامج اجتماعي لمعالجة ضاهرة الشغوذة بكل كان للتسويق لها ولأفكارها فهي القادرة على معالجة جميع الأمراض التي مازال أهل الاختصاص يبحثون عن حلول لها . كما أنها وفي وقت لاحق أصبحت تقدم نفسها على أنها خبيرة أعشاب والحال أن كلية الصيدلة بالمنستير تقوم بتخريج العشرات من المختصين في مجال طب الأعشاب .
المدون المعوف محرز بلحسن تعرض لهذه الضاهرة ” لما دڨازة/عرّافة/”روحانيّة” تحضر بهاته الكثافة في فترة قصيرة في أكثر من تلفزة في وقت إلي الشركات والماركات الكلاسيكية ماعادش لاقية ميزانيات للإشهار، يلزمكم تفهمو وتستنتجو المرا هاذي قداش قاعدة تدخل في فلوس من لحية شعبكم العظيم إلي بلغ درجة من الوعي تخليه يكره النخب متاعو ويسمعها ما تكره.. ما عدى ذلك هاكم تلاحظو كيفاش حرية التعبير مكفولة للجميع بما في ذلك للمشعوذين والمشعوذات وبالتالي من فضلكم يزيو من المزايدات !”
بدورها ن.د قدمت ما يشبه التقرير المفصل لما دار خلال حصة تلفزية حضرتها ” المعجزة ” شريفة المغربية
تفرجتو في هاك المهزلة في حلقة البارح متع نوفل؟؟ هاو بش نحكيلكم اش صار..
بعدما نوفل عطى كرسي لشريفة المغربية كضيفة قارة و ولات تحضر معاه كل جمعة، في مواصلة لمسيرة كاملة متع نشر الدجل و التخلف في تونس عبر وسائل الإعلام.
البارح نوفل سأل ضيفتو الموقرة برشا أسئلة محرجة:
السؤال الأول: شنية الحاجات الي نحطوهم في سطوشنا و يجيبولنا الرزق و يسهلو الأمور؟؟
شريفة: لوبان ذكر، الفاسوخ، حجرة الفك، الحرمل، النصَرْ (بش ينصرنا ربي: هكا قالتلو)
نوفل: السؤال الثاني: شنوا أحسن بخور نستعملوه بش انحيو العين و الحسد ؟
شريفة: البخور هذا.. هاو جبتلك منو..
نوفل: السؤال الثالث: شنوا البخور الي نستعملوه بش العتبة تولي مبروكة؟؟
شريفة: البخور هذا الي قدامي..
نوفل : باهي..شنوا تعمل آخر انت ؟؟
شريفة: نعالج العقم، نجيب الخطيب للبنية الي بطى مكتوبها، نداوي البرص زادة، و فما واحد من قابس كان مشلول رجعتو يمشي.. و نورمال..
نوفل: يعطيك الصحة..
مختصر الحديث: مهما توصل بك الأزمة المالية عمرك ما تهبط لهذا المستوى و تعمل إشهار تلفزي للمتحيلين. كلي البلاد ناقصة هي شعوذة و تخريف و جهل. زيدو كملو انتوما على مرمتها “
