بعد أن دعا الى تجنب البروباغندا المجانية كشف أستاذ الاقتصاد آرام بلحاج عن الحجم الحقيقي للديون السيادية الخارجية للدولة التونسية بالاعتماد على الأرقام التي نشرها البنك المركزي يوم 20 أكتوبر الجاري مؤكدا بان تونس مطالبة بدفع 81 مليون دينار في شهر نوفمبر و274 مليون دينار في شهر ديسمبر مشيرا الى أن خدمة الديون السيادية لسنة 2024 ووفقا لقانون المالية 2024 تبلغ 12315 مليون دينار
وقال بلحاج في تدوينة له ظهر اليوم بالاعتماد على اللهجة العامية التونسية “توة الناس الي قالت راكم ماتعرفوش اكثر منا وراهو احنا الصحاح وانتوما الغالطين وراهو الرقم نتاع البنك المركزي حول تسديد خدمة الدين الخارجي هذاكا هو رقم يخص الديون السيادية للعام المعني وموش يخص الديون الخارجية الكل لنفس العام، زعمة الناس هاذم مازالو يتجرؤوا ويخرجو يفسرولنا الرقم الأخير المنشور على موقع البنك المركزي بتاريخ 20-10 يخص شنوه بالضبط؟ ينجمو يقوللنا هل هو رقم خاص بالديون السيادية الخارجية فقط كيما زعموا (للتذكير: حسب قانون المالية لسنة 2024، خدمة الديون السيادية تقدر ب12315 مليون دينار!!!) أو، كيما قلنا احنا، هو رقم خاص بالديون الخارجية الجملية لبلادنا في العام هذا؟
مع العلم، مازال عنا خلاص اصل دين خارجي سيادي (يعني خاطي الفائدة على الديون الخارجية السيادية) مقدر ب81 مليون دينار في شهر نوفمبر و274 مليون دينار في شهر ديسمبر.
في الحقيقة، الناس هاذم لازمهم برشا تواضع وعودة إلى فهم ابجديات الاقتصاد والمالية. وحتى الإعلام نتاعنا، خاصة العمومي، لازمو يعرف ينتقي الخبراء والمطلعين ويتحلى بالموضوعية، اذا يحب ينوّر العباد ويبعد على البروباغندا المجانية.
