حذر سامي بن سلامة العضو المبعد من هيئة الانتخابات من محاولات ضرب الوحدة الجغرافية للدولة التونسية الموحدة وذلك عبير تقسيمها الى أقاليم .
وقال بن سلامة في تدوينة له صباح اليوم الثلاثاء 6 جوان 2023 ” محاولة تقسيم تونس إلى أقاليم وخاصة وقت يبدا بالعرض من الغرب للشرق وموش حتى بالطول… هو حسب رأيي عمل خطير ما يخدمش مصلحة تونس على المستوى الاستراتيجي… لأنو يضرب الوحدة الجغرافية للدولة التونسية الموحدة…
المسألة ما عندهاش علاقة لا بإقتصاد ولا بتنمية… ولا بطرقات سيارة…
الكلام هذا قلناه وعاودناه ملي بدات الفكرة مع النهضة والمرزوقي وتجسمت في دستور 2014 والباب السابع من الدستور…ومع مجلة الجماعات المحلية الي عملت على خلق كيانات منفصلة على الدولة ومتخاصمة معاها… بٱليات سياسية وقانونية وإدارية خاصة بيها…
نعاودو من جديد ميسالش كلام عندو سنين….
الجهود والفلوس والوقت الي باش يتحطو للعبث بخريطة تونس… وتفكيكها وإعادة تركيبها بطرق أقل ما يقال عنها أنها اعتباطية… باش ما نقولش كلام ٱخر أقسى… كان يتحطو في إصلاح الدولة المركزية وفي التخلص من حزب البيروقراطية الإدارية القاتلة…وفي القضاء على نظام الرخص والإجراءات الإدارية وفي الالتحاق بالثورة الرقمية لمصلحة التوانسة الكل… نوليو لاباس علينا… “
