كشف الأستاذ سامي بن سلامة العضو المبعد عن الهيئة العليا المستقلة للانتخابات في تدوينة له مساء اليوم أنه واجه اليوم أربعة قضايا دفعة واحدة مما أجبره على البقاء يوما كاملا منتظرا قبل المثول أمام القاضي ” اليوم كانت جلسة جديدة لمحاكمتي في 4 قضايا فرد ضربة.. منهم قضايا جايين مباشرة من ديوان وزيرة العدل…الحاصيلو…عديت تقريبا نهار كامل في المحكمة نستنى يخلطلي الدور…
مستوى التهم في مستوى الي ياقف وراءها… وضيع وقت قضاة المحكمة بيها…
هذا في حين مئات الٱلاف من القضايا الخطيرة الي تمس حقوق المواطنين تقعد على الرفوف وما تتعداش للمحاكم… ” وأضاف بن سلامة ” محاكمتي قاعدة تتم على خليط من الأكاذيب والمهازل والتهم الملفقة…
بأتم ما للكلمات هاذي من معنى…مانيش مصدق تردي المستوى يوصل للدرجة هاذي…
فاشلين حتى في تلفيق التهم ..عملية انتقام وتنكيل منظمة متورطة فيها الدولة في حق شخص عمرو ما خمم في مصالحو الخاصة… ودافع بالكلمة والموقف على مصالح بلاد كاملة…
تم تأخير القضايا لجلسة 18 جانفي…
ما زال عندي قضية اعتراض على حكم غيابي جائر بثمانية أشهر حبس نهار 23 نوفمبر…
وهي قضية تجي نهار ٱخر قضية نموذجية باش نبينو الحاجات الي ما يلزمهاش تعاود تصير في بلادنا…
وعندي قضية يبدو أنها خطيرة ما زالت عند حاكم التحقيق…
وقضية أخرى عند الشرطة العدلية.. وقضايا أخرى… “
