قررت المحامية والكرونيكوز سنية الدهماني أن تحضر يوم غد الجلسة الاستئنافية حافية القدمين … واليكم الأسباب التي ترويها شقيقتها رملة الدهماني
” اليوم جبنا سواري وسباط لسنية باش تلبسهم غدوة في المحكمة. سواري بيض نرمال، سواري بيض سادة، ما فيهم حتى زخرفة، حتى شي من غير زينة، من غير شي. سباط من غير معدن، من غير خيط، طالون متاعو حلفى . لبسة بسيطة برك باش تكون مريحتها وتظهر لايقة… ورفضوهم
علاش؟ علاش المديرة الجديدة متاع الحبس رفضت طلباتنا وطلبات المحامين متاعها؟ علاش سنية ما عندهاش الحق تقص ولا تصبغ شعرها؟ علاش يرفضولها لبسة معقولة؟ علاش يحبوها تبان في موقف ضعف؟ يظنو اللي كان يجبروها تلبس حوايج رثة، باش تولي أقل جمال، أقل قوة، أقل رمز؟
علاش هالقساوة؟ علاش هالحقد؟
سنية قررت باش تمشي للمحكمة حفيانة. يحبوا يذلوها؟ هي باش تكون كيما يحبو، أما على شروطها هي. الرمز اللي يحبو يدمروه باش يكون أقوى
سنية ما تنكسرش ”
