كشف وزير التخطيط والاستثمار والتعاون الدولي الأسبق والرئيس الحالي لحزب آفاق تونس فاضل عبد الكافي خلال حضوره في برنامج في 90 دقيقة على إي أف أم، عن الخطوات التالية لرئيس الجمهورية قيس سعيد بعد الاعلان عن حل المجلس الأعلى للقضاء مؤكدا ان ” الرئيس بعد أن أخذ السلطة التنفيذية برأسيها والسلطة التشريعية ، الآن توجّه للقضاء التونسي ويتكلّم عن القضاء كأنّه وظيفة والحقيقة أنّ القضاء سلطة مستقلة في أيّ بلاد ديمقراطية في العالم وبعد ذلك سيتوجّه للهيئات الدستورية – الهايكا – وهيئة الانتخابات – والأحزاب وها قد سمعنا أنّه يقدم في رأيه في الصحافة ، هذه جيّدة والأخرى سيّئة”.
عبد الكافي أكد أن القروض والهبات التي تتحصل عليها تونس، تأخذها عن طريق رئاسة الحكومة ثم تدخل إلى البنك المركزي ليتم استغلالها في تمويل مشاريع عمومية.
ووصف عبد الكافي حديث رئيس الجمهورية قيس سعيد عن إجراء تدقيق حول مصير القروض والهبات التي تحصلت عليها تونس، بتضييع الوقت، قائلا:”السيد الرئيس كي يتكلم على فلوس دخلت لتونس وما نعرفوش وين مشاو، فما برشا فلوس معملين عليهم في مؤتمر 2020، وكيما برشا مرات تكلمت عليه المؤتمر هذا رفعنا 34 مليار دينار لتونس لكن الأموال ما دخلتش لتونس خاطر أحنا ما قدمناش المشاريع وما أسرعناش في إنجازهم، كيما قنطرة بنزرت الطريق السريعة جلمة تونس، ميناء رادس محطات تحلية المياه وغيرو..، الان رئيس الدولة يطلب في تدقيق تضييع وقت بالنسبة ليا مرة أخرى .. ومرة أخرى اكتشاف لكيفاش الدولة تسير خاطر ينجم يعطي لوزيرة المالية ومحافظ البنك المركزي تاو يفسرولو بالتدقيق كيفاش تصير خاطر الناس اللي يعطيو في الأموال هاذي بنوك عالمية ومنظمات مالية عالمية ودول وما نتصورش ما تعرفش الفلوس وين مشات”..
