تعرض الطبيب وجيه ذكار الى اعتداء بالعنف من قبل ممرض يعمل بقسم الاستعجالي بمستشفى شارل نيكول امس الجمعة 11 فيفري 2022 .
وكتب الطبيب وجيه الذكار في حسابه الخاص بالفيسبوك امس الجمعة
قائلا:تم الاعتداء عليا بالعنف توة في وسط استعجالي شارل نيكولمن قبل ممرض، وانا نسلّم في التقرير متاعي في وسط القسم للشاف سرفيسوكتب اليوم السبت
قائلا:-ياخي نورمال انت؟ هكا تحكي عالسرفيس؟ ياخي تحب شكون يطيحلك قدرك..ومباشرةً ضربني الممرض ،
واللي هو نفسو رئيس فريق الممرضين بقسم الاستعجالي، ببونية في وجهي في حضور عدد من الاطباء والممرضين على بُعد امتار من باب رئيسة القسم.
هذا اللي صار بالضبط البارح مع نص نهار كيف كنت ماشي نقدم في في تقرير متاعي حول الخلل والاهمال اللي صار في حصة الاستمرار…الغريب في القصة هاذي الكل مش ردة الفعل والعنف اللي تمارس عليا، واللي اغلب العباد اللي شافوني نبهوني منو وقالولي “رد بالك على روحك”،
خاصة بعد العدد الكبير متاع ميساجات التهديد بالعنف والسحل اللي وصلني، والكومنتارات متاع التحريض على العنف الي تتكتب منذ بديت ننتقد في جزء من فساد وخور السبيطار اللي نخدم فيه،الغريب هو الجرأة في انك تضرب طبيب في وسط النهار امام مرأى ومسمع الناس الكل بهوية معروفة.
وكاينو الشخص هذاكا عارف اللي مش بش يصيرلو حتى شيء بعد ما عمل الفعل متاعو هذاكا وانه الافلات من العقاب هو القاعدة واللي راهو بش يصير حاجة من اثنين:يا اما انا مش بش نشكي،والا كان بش نشكي راهو فما شكون بش يدافع عليه وبش يمنّعوا من تحمّل مسؤولية الفعل الي قام بيه.
هذا فقط توضيح للعباد اللي تسال على حالتي واللي نحب نشكرها على تضامنها معايا.
فيما تبقى محاولات الاحراج من ناحية والتهديد من ناحية اخرى بش نتراجع على الشكوى متاعي راني مش بش نجاوب عليها على خاتر اللي صار البارح هو نقلة نوعية في باب التضييق على محاولات الاصلاح، اللي انطلق من تعطيل الخدمة، إلي الشتم ووفى بالعنف.
واللي كان بش نسكت عليه بش يكون هو القاعدة وهو اللي بش يُقبر كل نفس للتغير في سبيطارت يجمع القاصي والداني على انهيارها في القريب العاجل.
