في تعليقه على تدوينة لرئيس الحكومة السابق الياس الفخفاخ الذي أعلن عن تبرتئته من قبل القضاء في قضية تضارب المصالح كذب النائب السابق ياسين العياري مع اسماه بافتراءات الفخفاخ لانه حسب العياري ” لم يقف أمام أي قاضي أصلا، بالاضافة الى أن الهيئة الوطنية لمكافحة الفساد التي تقدمت بالقضية مغلقة أما الطرف الثاني وهو ياسين العياري فانه ” منفي ” خارج أرض الوطن.
وجاء في تدوينة العياري ”
1- ما برأكش القضاء، لم تقف قدام قاضي أصلا، ما صارت حتى جلسة، سلكوهالك من غادي لغادي بالإجراءات.
2- الي شاكين بيك الزوز، ما ينجموش يقدمو المؤيدات : هيئة مكافحة الفساد مسكرة، والعبد لله منفي.
3- القضية ساهلة، عندك شركات تتعامل مع الدولة، في يدك شهرين باش تعطي أسهمك، ما عطيتهمش، اسمها جريمة و فساد، بالنص!
4- كي فضحت روحك في التلفزة، لعبتها عنتر : اي بالطبيعة عندي شركات تتعامل مع الدولة، لكن كي حكت الركايب، ثمة قاضي صدق انه رئيس حكومة ما نجمش يعطي الأسهم إمتاعو خاطر كورونا فقال هيا فك علينا موش لازم نحاكموه.
هل هذا يعني برؤوه و خاطيه و ما عكعكش ؟
يعني موش برؤوك خاطر ماهوش فساد و الا خاطرك ما عملتش و الا خاطرو قانوني، أما لقاولك تسليكة : خاطر الله غالب كورونا، فرئيس الحكومة ما نجمش يخطف روحو يعطي الأسهم متاعو.
برى بركة، موش باش نوصولو نحطو رؤساء حكومات في الحبس و إلا بش نحاكموهم أصلا.
فقط ما تفلمش على العباد، قلهم علاش و كيفاش سلكوهالك، ما تغمهمش زعمة خاطيك و ما عملتش و انو رئيس حكومة عندو شركات تتعامل مع الدولة حاجة قانونية.
الفرق بيني و بينك، اني نشرت بشفافية كل الوثائق الي تثبت تجاوزك للقانون في حين، حتى لتو، هاك تغم في العباد 
عاركتك كي انت في أوج قوتك، رئيس حكومة عكعاك!
اليوم؟ هذه آخر تفليمة من عندك أرد عليها.
تمنيت إنه محاكمتك تكون بمجلس أعلى للقضاء منتخب، في الوضع الي أحنا فيه تو، اي حكم مهما كان، مطعون في شرعيته في عهد قضاء التعليمات.
سلم على الي عارفينك تشديت بعظمتك، سلكوهالك بالشكل لا بالأصل أما يفلموا كومام.
تحيا الأفلام!
وكان الفخفاخ كتب مساء اليوم تدوينة جاء فيها ان القضاء برأه من تهمة تضارب المصالح
