كتب الدكتور حلمي عطية ما يشبه وثيقة إدانة لأوضاع الصحة العمومية في تونس ليقول :
خدمت في الرابطة و في وسيلة و شدّيت عشرات ولاّ مئات الڤاردوات و نعرف مليح اللي الإطار الطبي و الشبه طبي يخدم في ظروف صعيبة ياسر ، و اللي هوما من حيث عدد الساعات أكثر عباد يخدموا في تونس و من حيث المجهود نقوالوا بالتونسي “يتڤطّعوا” ! المشكلة الكل في السياسة الصحيّة في بلادنا ، المستشفيات العمومية عمرها ما كانت أولويّة ، كان جات أولية منشوفوش كلاب سائبة في وسط المنجي سليم و جرابع أكبر من القطاطس في الرابطة و وسيلة و سكانار مكسّر في شارل نيكول و سيارة إسعاف بلاش باب في الماطري و هنا نحكي على تونس الكبرى برك ! ليوم 11 رضيع توفّاو لازم الحقيقة تظهر و لو أنو هذا مش باش يطفّي نار والديهم ، serum فيه مشكلة ، choc septique ، هاذي حكايات مش باش ترجّع الصغيّرات لعايلاتهم ، أما لازم الحقيقة الكاملة تظهر باش الناس الكل تتحمّل مسؤوليّتها و باش حاجة كيما هاذي ماعادش تصير !
عنّا أحسن كفاءات بشريّة في مجال الطب أمّا كيف تصير حاجات هكّا خارجة عن نطاقهم و يخسروا مرضتهم يشعروا بالإحباط و وقتها حد ما ينجم يقنعهم باش يواصلوا العمل في تونس … و هذا اللي قاعد يصير…
الله يصبّر أباء و أمّهات الضحايا
عنّا أحسن كفاءات بشريّة في مجال الطب أمّا كيف تصير حاجات هكّا خارجة عن نطاقهم و يخسروا مرضتهم يشعروا بالإحباط و وقتها حد ما ينجم يقنعهم باش يواصلوا العمل في تونس … و هذا اللي قاعد يصير…
الله يصبّر أباء و أمّهات الضحايا
