بعد أن انتقد أمس المكلف بالاعلام والاتصال بحركة نداء تونس فؤاد بوسلامة، من يطالب بتعيين امرأة “كشيخة” لبلدية تونس العاصمة، في إشارة إلى سُعاد عبد الرحيم عن حركة النهضة. وقال فؤاد بوسلامة، في تصريح، لقناة “أم تونيزيا”، إنه من غير المعقول أن تتواجد امرأة ليلة 27 في الجامع، في إشارة إلى الاحتفالات السنوية التي تقع، في هذه المُناسبة في “الجوامع” في شهر رمضان، مؤكدا، أن للتونسيين تقاليد وأنها بلاد اسلامية.
جاء الرد سريعا عن طريق الباحثة التونسية ألفة يوسف التي استهجنت هذا الموقف بقولها ” ما افرغ حكاياتهم وما أتفهها، مشكلتهم المرأة في الجامع وتقاليد وعادات…
ماشي في بالهم ربي في الجامع، وماشي في بالهم مرأة تدنس الجامع…
ما يعرفوش اللي ربي في كل شيء، من نسمة الصباح وهي تخبّل، لصوت الكانالو، لوجيعة المحبة، لبكاء الفراق، للمرض الصعيب، لفرحة النجاح، لدموع الخسارة، لغناية، فيلم، رواية، مسرحية، عركة، دم يفيّع، زلزال يقتل الآلاف، والا مطرة تسقي الزرع وتنور الدنيا…
يحبو يحبسو ربي في كتاب، في جامع، في لبسة، في هيكل، وما فهموش اللي ربي، ما يتحبسش، هو الكل في الكل، ما فهموش اللي ربي هو الحياة…موش ها الحياة الدنيا فقط…كل الحيوات…
ما فهموش اللي هوما روح الهية في صورة بشر…ما فهموش اللي هوما، كيف تصورو انهم ينجمو يحبسو ربي، ما حبسو كان ارواحهم…
وربي يهدي…”