قال سليم العزابي المنسق العام لحزب تحيا تونس بمناسبة احياء اليوم العالمي للمرأة أن تونس وعلى غِرار أغلب بلدان العالم، هي “عاصمة المرأة العربية في 2019″، تُنادي بالمساواة التّامة بين المرأة والرّجل في الحقوق.
وقال العزابي ” ورغم المكاسب الكبيرة إلّي تحققت للمرأة التونسية، وخلّاتها رائدة ومثال يُحتذى به في العالم، مازالت قدامنا نضالات كبيرة، ومعارك أخرى لازم نخوضها مع بعضنا اليد في اليد!
لازمنا نربحوا معركة المساواة في الميراث، أول خطوة في تكريس المبدأ الدستوري الي يقضي بالمساواة التّامة!
لازمنا نواصلوا معركتنا ضدّ العنف والتحرّش المُسلط على المرأة، على خاطر حتى مع صدور القانون الي يحميها، مازلنا للأسف ما غَيّرناش العقلية المقيتة لدى البعض، إلي كيف المِتضرّرة تِستجمع شجاعتها، و تبلّغ على إلي إعتدى عليها، يقولولها “لازم انت إستفزيتو”، ويزيدو يسلطو عليها عنف أقوى وأبشع!
قدّامنا معركة ضدّ عدم المساواة في الأجر، و الحقّ في عطلة أمومة كافية، وضدّ إستغلال المرأة الريفية، الّي رغم القرار الثّوري للحكومة بتمكينها من التغطية الإجتماعية، تُقعد ظروفها صعيبة ومحتاجة لإحاطة أكبر وأشمل! ”