دعا نبيل حجي أمين عام التيار الديمقراطي الى البحث عن نواب المجلس الوطني للجهات والأقاليم وعددهم 77 نائبا يتقاضى كل واحد منهم 3.300 دينار شهريا ” وينهم أش يعملو تفقدوهم ”
من جهة أخرى قال أن ”مراد الزغيدي وبرهان بسيس توجهتلهم تهم الإضرار بالأمن العام والاعتداء على الغير وبث الرعب بين السكان.. نحب نسأل القاضية اللي حكمت عليه عام حبس: وين لقيتو هذا؟ عندي برشا نسمع في برنامجهم وما نتفكر حتى نهار هبطت للشارع لقيتو الأمن العام تمس من كلامهم..”
حجي قال عبر ميكرو ميدي شو ”اليوم المحامين ما عندهم حتى تفسير للحكم اللي خذاه مراد الزغيدي.. والسياسيين ما عندهمش تفسير…”
حجي أضاف ”نحب نذكر الناس اللي تبرر اليوم في اللي صاير.. راهو رئيس الجمهورية قال ذات يوم في تصريح تلفزي ”الدستور اكله الحمار”.. ولم يحاكم ولم يحاسب وما قلو حد كفاش تمسّ من أعلى سلطة في البلاد..!”
من جهة أخرى قال نبيل حجي امين عام التيار الديمقراطي'”كان جات المحكمة الدستورية اللي حقنا اليوم ومهيش موجودة.. راهو مراد الزغيدي دفع بالحكم اللي صدر ضدو بعدم الدستورية.. هاك حرمتو من حق من حقوقو.. وهذا موش تعطيل لمرفق العدالة؟ “