قالت النائب نسرين لعماري في رسالة موجهة الى صاحب قناة نسمة ان ما اتاه مؤخرا بولاية الكاف ذكرها بما قام به سابقا الرئيس السابق لحزب تيار المحبة الهاشمي الحامدي
وقالت العماري ” رسالة الى نبيل القروي:
منذ يومين شفت قناة العائلة توزع في اعانات على معتمديات في الكاف و بش نتكلم ككافية و مش كنائبةولان صورة المدعو نبيل القروي و هو يخطب على الناس فوق حجرة في برشا شعبوية و برشا استغلال لفقر و خصاصة الناس وبتعلة اعانات و كذا و على طريقة الهاشمي الحامدي اثارت فيا غيرة و قهرة على بلادي الي ديما و كل شتاء يجيوا امثال هؤلاء باش يعمل تصويرة و بوز و تحضيرا لحملته الانتخابية على حساب طيبة الناس في المناطق المفقرة و مش الفقيرة خاطر فيها برشا ثروات طبيعية و بشرية ..نطمأنك المهزلة هذي باش يجي نهار و تنتهي خاطر
الكاف بنساها ورجالها على درجة كبيرة من الوعي و على دراية كبيرة بالوضع مينجم يعديها عليهم حد اما صحة ليكم الدولة عطاتكم الفرصة باش تمارسوا هواياتكم انت و امثالك على الكاف في ظل غياب التنمية والانتاجية و رغم هذاكا عمرنا لا كسرنا و لا حرقنا هذاكا علاش نقلك الي نحنا واعين وعي تام بحقنا و قدرنا اننا نرتقوا ببلادنا كيما علمونا جودنا .
الي يعمل الخير ميصورش روحو !!!!!
نسرين العماري #بنت_الكاف_العالي