دق معز الجودي الخبير الاقتصادي ناقوس الخطر وهو يعلن أن البلاد في حالة افلاس غير معلن الا أنه اكد عبر تدوينة له مساء اليوم أن عملية الانقاذ ممكنة رغم انها صعبة وقال الجودي ” أول حكومة منذ عشرة سنوات ريحة النهضاوي ما فيهاش و هذا في حد ذاته إنجاز في هذه البلاد المنكوبة من جراء خراب الإخوان! وزير الإقتصاد كفاءة مشهود بها و نظيفة، وزير السياحة من الكفاءات الشابة الوطنية المختصة في المجال، وزيرة الصناعة عندها تجربة كبيرة و متميزة و من أحسن الكفاءات في الميدان، وزيرة المالية تعرف الوزارة و خير تواصل هيا و ما إصيرش تغيير ٱخر علي رأس هاته الوزارة الحساسة و الغير مستقرة. الباقي الكل، و الله ما نعرفهم و لا سمعت بهم قبل، ربي إعينهم. أما بربي علاه التأخير هذا الكلو؟! عامل الوقت مهم خاصة في هذا الظرف الحساس. حاجة مهمة أخري: يزينا بربي من خطاب التفريق و التقسيم و التهديد و الوعيد و خليو إلي إحب يخدم يخدم و إلي إحب إعارض سلميا إعارض. إنقولوها بكل صراحة: تونس في حالة إفلاس غير معلن، الإنقاذ بش إكون صعيب لكن غير مستحيل أما لازمو برشا خدمة و إستقرار. بالتوفيق للحكومة الجديدة. ”