طالب النائب السابق والقيادي في حزب التيار الديموقراطي هشام العجبوني من رئيس حركة النهضة راشد الغنوشي بالانسحاب من الساحة السياسية لأن وجوده تحول الى عائق أمام توحيد القوى السياسية .
وقال العجبوني في تدوينة له ” وقتاش راشد الغنوشي (ومن لفّ لفّه) يفهم أنّ وجوده يمثّل أكبر عائق أمام توحيد كل القوى السياسية ضد العبث القيسي؟؟
وقتاش راشد الغنوشي يفهم أن منظومة قيس سعيّد تتغذى من وجوده كما تغذّت منه عبير موسي عندما كان على رأس البرلمان؟؟
وقتاش راشد الغنوشي يعتق البلاد و ينسحب نهائيا من الحياة السياسية و يخلّي شباب الحزب متاعو الذي لم يتورّط في جرائمه السياسية يقوم بمراجعات و ياخذ المشعل؟؟
وقتاش راشد الغنوشي يفهم أنّو مكروه من أغلب التونسيين و أن جزء مهمّ منهم مستعدّ لقبول عبث قيس سعيّد على أن لا يعود هو إلى المشهد السياسي؟؟
و توّا كي تطالب قيس سعيّد بالإستقالة ياخي موش كان تبدى بنفسك خير و تعطي المثل و تستقيل من رئاسة البرلمان و رئاسة النهضة بعد حصيلة حزبك الكارثية على البلاد؟؟
لماذا تكابر و تعاند و تواصل في حالة الإنكار، تماما كما يفعل قيس سعيّد؟؟
زعمة مصلحتك أهمّ من مصلحة البلاد وحتى من مصلحة حزبك؟؟
تي فيّقوه على روحو يا رسول اللّه و قولولو يعتقنا و يعتق البلاد!!!