في تدوينة له ردا على زميله النائب راشد الخياري الذي اتهمه بالسطو على مجهوده قال النائب ياسين العياري انه لن يسكت بعد اليوم وأنه سيفضح كل من يتطاول عليه
واندلع الجدل بين النائبين بعدما أعلن العياري انه تلقى يوم أمس من وزارة الداخلية قائمة في عدد من المواطنين الذين رفع عنهم اجراء أس 17 وهو ما نفاه الخياري مؤكدا في تدوينة له انه هو من قام بذلك المجهود
ولكن العياري عاد اليه وكتب تدوينة متطولة تهكم من خلالها على زميله الخياري قائلا له ” لقد خسرك المزود وربحك البرلمان ”
وهذا النص الكامل للتدوينة ”
شوف يا وبش،
ريت وقت انت اتدور تفلم على الناس، توعد فيهم بش إتطرد سفير فرانسا و درت في الحياصة، إتدجل على العباد بش تجيبلهم البترول في إبادن و نسيت الموضوع و تنتج في الياغرت بالكركم؟
وقتها أحنا نخدمو في ما ينفع الناس، وقتها خادمين فوق 500 ملف s17 في أقل من عام!
إيجا نفسرلك شنوة صار 🙂
مواطنين بعثولك معطياتهم، ليك إنت.
و إنت عديتهم لوزارة الداخلية.
جاء سفير فرانسا في الليل، دخل من الباب التلاني، باب حلهوله دحلان، لم الدوسيات الي تخدمت
و بعثلي ليا أنا المعطيات، الأسامي و الالقاب و أرقام بطاقات التعريف
و هذا في إطار مؤامرة كونية، لضربك إنت شخصيا، أسد المشرق و المغرب، زعيم الامة، بطل الرافدين، تنين السنة، تمساح الحقيقة، ضفدع الشريعة، جربوع الاندلس
تقعد! وهف يهزك ما أرخصك و ما أبهمك!
لا خدموا، لا خلاو الناس تخدم، عايشين في عوالم الوهم!
شوف يل خامج،
في الإخر،خسرك المزود و ربحك البرلمان!
شوف يا قراد الخيل،
لسنوات طوال، كنت أتجاهل خزعبلاتك و ندعيلك إنه ربي يفرج عليك و تبطل التكروري
لكن تو الأمر مختلف.
لن أسمح للخماج أمثالك، يعملوا أسامي على ظهري.
أنت ينجم واحد يسطولك على مؤامراتك، على زكرتك، على بنديرك، على التكروري متاعك، موش على خدمتك! فلا أحد يقدر أن يسطو على تهريج مهرج، فمهرج كنت و مهرج ستبقى!
صدق زميلك و هو كذوب : ما يتبعك كان أحمق أو مغفل، ينجم يصدقك انك المعطيات و الدوسيات خدمتها إنت و النتائج عندي أنا 🙂
ربي يجبرلك، و بالتوفيق في لمان البترول 🙂 يا عضو لجنة الطاقة، الفاصع عنها 🙂
فيك و في خزعبلاتك ساقي.
المرة هذه قرصة صغيرة، موش بش نقتل ذبانة بمدفع زادة، لكن المرة الجاية : سأستعير في الضحك عليك فعلا و صفه مظفر نواب! و بالواقفة زادة.
#احنا_نخدموا_و_هوما_يكذبوا
#ما_يحبوش_الإحترام